ზუგდიდში, ერევნის ქუჩაზე მომხდარ ხანძარს ერთი ადამიანის სიცოცხლე ემსხვერპლა.შემთხვევა წუხელ ღამით მოხდა, რა დროსაც სახლში მოხუცი, უსინათლო მამაკაცი იმყოფებოდა. ის ადგილზე გარდაიცვალა.ცხედარი ბათუმის პროზექტურაშია გადასვენებული. ხანძრის გამომწვევი ზუსტი მიზეზი უცნობია. ფაქტზე გამოძიება საქართველოს სისხლის სამართლის კოდექსის 188-ე მუხლით დაიწყო, რაც გაუფრთხილებლობით ნივთის დაზიანებასა ან განადგურებას გულისხმობს და ისჯება ჯარიმით ან გამასწორებელი სამუშაოთი ვადით ერთ წლამდე ანდა თავისუფლების შეზღუდვით ვადით ორ წლამდე.