სენაკში, დაკარგული 8 წლის ნიკა გაბეჩავას ცხედარი მდინარე ტეხურაში იპოვეს. მშობლები შვილის მკვლელობაში მათივე მეზობელს ადანაშაულებენ. მათი ინფორმაციით, 30 წლამდე მამაკაცმა ბიჭი ჯერ მოკლა, შემდეგ კი მდინარე ტეხურში გადააგდო. შსს-ს ინფორმაციით, ბიჭი მდინარის პირას ჯართს აგროვებდა, რა დროსაც წყალში ჩავარდა.უწყების ცნობით, დაკავებულის მიმართ საქმე სისხლის სამართლის კოდექსის 129-ე მუხლით არის აღძრული, რაც სიცოცხლისთვის საშიშ მდგომარეობაში მყოფი პირისთვის აუცილებელი და გადაუდებელი დახმარების გაუწევლობას გულისხმობს, ხოლო რაც შეეხება ცხედარს, ამ დროისთვის იქ სპეციალური სამსახურები მუშაობენ, რის შემდეგაც მოზარდის გარდაცვალების დასადგენად ცხედარს ქუთაისში ექსპერტიზა ჩაუტარდება.