მეუფე იოანე გამრეკელს მიაჩნია, რომ მიტროპოლიტი პეტრე სინოდს უფრო მკაცრად უნდა დაესაჯა

0
397
 მეუფე იოანე გამრეკელს მიაჩნია, რომ უნდა მომხდარიყო მეუფე პეტრესთვის ეპარქიის შეცვლა, რადგან მისი ავტორიტეტი მრევლის თვალში შეილახა. 
”ძალიან განვიცდი, რომ მეუფე პეტრე სუბიექტურად საუბრობს. ის ესწრებოდა სინოდის სხდომას და მოისმინა ყველა წევრის აზრი, მოისმინა დასაბუთება მოციქულთა დროიდან. ის იქნა შეწყალებული, რადგან სასჯელი უნდა ყოფილიყო უფრო მკაცრი, მაგრამ სინოდის წევრების თხოვნით ასე არ მოხდა. უნდა მომხდარიყო მისი გადაყვანა სხვა ეპარქიაში, რადგან მისი ავტორიტეტი მრევლის თვალში შეილახა”, – განაცხადა მეუფე იოანე გამრეკელმა. მისივე თქმით, ე.წ. ციანიდის საქმეზე დაკითხვაზე დაბარების შემთხვევაში ის ვერაფერს იტყვის, რადგან ამ საქმეს არ იცნობს. ”როცა რამე არ იცი, საუბარი ძნელია. მე დეკანოზსაც არ ვიცნობ. მისი სახელი და გვარი გავიგე ამ ამბებიდან ტელევიზიის მეშვეობით. რომც დამიბარონ, ვერაფერს ვიტყვი. ვერც სინოდის წევრებზე ვიტყვი, რომ ამ საქმესთან კავშირი აქვთ. სინოდს გვაქვს ერთიანი პოზიცია, რომ ვენდობით გამოძიებას და ვიმედოვნებთ, რომ გამოძიება ობიექტურად ჩატარდება”, – განაცხადა მეუფემ. 
წინა სტატია25 მარტი საქართველოს მართლმადიდებელი ეკლესიის ავტოკეფალიის აღდგენის დღეა
შემდეგი სტატია„დედამიწის საათი“ მსოფლიოში მეათედ, ხოლო საქართველოში მეცხრედ აღინიშნება
ტელეკომპანია ოდიშის საინფორმაციო სამსახური