მიხეილ სააკაშვილი ფეისბუკის საკუთარ გვერდზე არასამთავრობოების თემას განიხილავს და წერს, რომ რუსეთის პრეზიდენტმა, ვლადიმერ პუტინმა ცნობილი ამერიკელი პიარსპეციალისტი პოლ მანაფორტი დაიქირავა და საქართველოში მის წინააღმდეგ მუშაობა დაავალა. სააკაშვილის თქმით, ამისთვის მანაფორტი ქართულ არასამთავრობო ორგანიზაციებს იყენებდა.„მთელი მსოფლიო პრესა აჭრელდა ინფორმაციით, რომ 2005 წელს პუტინმა იქირავა ცნობილი ამერიკელი PR სპეციალისტი პოლ მანაფორტი და მას, სხვა საქმეებთან ერთად, დაავალა ჩემს წინააღმდეგ მუშაობა საქართველოში, რისთვისაც ეს უკანასკნელი, თურმე, ქართულ არასამთავრობოებს იყენებდა. ახლა კი გასაგებია, თუ რატომ გვესხმოდა თავს მაშინ თითქმის ყველა არასამთავრობო და რატომ არ იღებენ ხმას დღევანდელ მარაზმზე. ფული ბაბაია, დიდი ფული (თან, ჰოი საკვირველებავ, რუსული)რა თქმა უნდა, შორს ვარ იმ აზრისგან, რომ კორუფციაში დავადანაშაულო ყველა მაშინდელი არასამთავრობო ორგანიზაცია, მაგრამ ბევრი თავს იწყნარებდა იმით, რომ ფული, ფორმალურად, ამერიკული კერძო წყაროდან მოდიოდა, თუმცა, საბოლოო ჯამში, ეს რუსეთის მიზნებს ემსახურებოდა, ამაზე ახლა მაინც არის ღია დისკუსია და სიმართლის თქმა საჭირო!“ – აცხადებს სააკაშვილი.
“ახლა გასაგებია თუ რატომ გვესხმოდა თავს მაშინ ყველა არასამთავრობო”- მიხეილ სააკაშვილი NGO-ებს წარსულს ახსენებს
Published on