უშიშროების საბჭოს სხდომა არასრული შემადგენლობით ჩატარდა

0
265
პრეზიდენტის ადმინისტრაციაში ეროვნული უშიშროების საბჭოს სხდომა 2 საათზე მეტხანს გაგრძელდა. უშიშროების საბჭოს სხდომაზე ერთ-ერთი პირველი დღეს საქართველოს პრემიერი მივიდა.გიორგი კვირიკაშვილის გარდა, ქვეყნის პირველი პირის მიერ მოწვეულ შეხვედრას ძალოვანი გუნდიდან ლევან იზორია, გენშტაბის უფროსი ვლადიმერ ჩაჩიბაია ესწრებოდნენ. არასრული შემადგენლობით პრეზიდენტის სათათბირო ორგანომ დღეს შავი ზღვის რეგიონში უსაფრთხოების საკითხები, ბრუსელის მოახლოებულ სამიტზე საქართველოს შანსები განიხილა.დღევანდელ სხდომას არ დასწრებია საგრეო უწყების ხელმძღვანელი. მიხეილ ჯანელიძე ოფიციალური ვიზიტით ვაშინგტონში იმყოფება. ავლაბრის სასახლეში დღეს არც პარლამენტის თავმჯდომარე მისულა. პარლამენტის სპიკერის გარდა, დღევანდელ შეხვედრას არც საგარეო კომიტეტის ხელმძღვანელი დასწრებია.უშიშროების საბჭოზე მისი წევრების მისვლა არ მისვლის საკითხი განხილვის თემა იყო დღეს პარლამენტის ოპოზიციასა და უმრავლესობის იმ წევრების მიერაც, რომლებიც საბჭოს შემადგენლობაში არ შედიან.პრეზიდენტის სასახლეში დღეს არც შინაგან საქმეთა მინიტრი და არც უსაფრთხოების სამსახურის ხელმძღვანელი იმყოფებოდა. გიორგი მღებრიშვილი მივლინებით ბრუსელში იმყოფება, ვახტანგ გომელაური კი, შეერთებულ შტატებში.
 
 
 
 
წინა სტატიასაკუთრებაში გადმოგვეცეს შპს ტელეკომპანია “საქართველო” – “რუსთავი 2”-ის თანამშრომლების შეთავაზება ძმებ ყარამანიშვილებს
შემდეგი სტატიასაქართველოში გამთენიისას 3,7 მაგნიტუდის მიწისძვრა მოხდა
ტელეკომპანია ოდიშის საინფორმაციო სამსახური