საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანების თანახმად, ქართული ტრადიციული სუფრის/პურობის კულტურას მიენიჭა არამატერიალური კულტურული მემკვიდრეობის ძეგლის სტატუსი.
კულტურული მემკვიდრეობის დაცვის სააგენტოს წარმომადგენელმა, მაკა თაქთაქიშვილმა რამდენიმე თვის წინ განაცხადა, რომ ქართული სუფრის ტრადიციისა და კულტურის არამატერიალური მემკვიდრეობის ძეგლის სტატუსის მინიჭებაზე მიმდინარეობდა მუშაობა.