უფროსი მასწავლებლის სტატუსის მქონე პედაგოგი სხვა საგანში კომპეტენციის დადასტურებისთვის გამოცდაზე რეგისტრაციის თანხას გადაიხდის. ამის შესახებ შეფასებისა და გამოცდების ეროვნულ ცენტრში აცხადებენ. აღნიშნული საკითხით არაერთი მოქმედი მასწავლებელი დაინტერესდა.“თუ სერტიფიცირებული ხარ და სხვა საგნის ჩაბარება გინდა, რეგისტრაციის დროს 50 ლარი უნდა გადაიხადო, გამოდის ტყუილი ყოფილა, რომ მოქმედი მასწავლებლებისთვის რეგისტრაცია უფასოა და მსურველებისთვის ფასიანი, როგორც ეს გამოაცხადეს. რეგისტრაციის დასრულების საშუალებას პროგრამა არ მაძლევს და მთხოვს გადავიხადო საფასური. გამოდის, რომ პრაქტიკოსი მასწავლებლობა ჯობია ყველაფერს”, – აცხადებენ პედაგოგები.