,,ამხელა საეთერო დროის დათმობა მეგრულისთვის, რომელიც, გულზე ხელი დავიდოთ და, მარგინალიზებულია ჩვენს ყოველდღიურ ყოფაში, ძალიან მკაფიო გზავნილია როგორც გაბუნიას, ასევე მთლიანად, "რუსთავი-2-ის" მხრიდან და ეს არის სახელმწიფოებრივი პოზიცია და არა ის, ზოგიერთ ჩემ კოლეგას, სამეგრელოში დაბადებულს და გაზრდილს, მეგრულად ლაპარაკი რომ უტყდება.'' – ასე ეხმაურება ჟურნალისტი ლაშა ბერულავა თავის ფეისბქგვერდზე ,,პოსტსკრიპტუმის'' გუშინდელ გამოშვებას და საზოგადოების რეაქციას სოციალურ ქსელში .
,, არანაირი მნიშვნელობა არა აქვს აქ დაწყებულ გარჩევებს იმაზე, იცის თუ არა მეგრული გიორგი გაბუნიამ, კითხულობდა თუ არა ტექსტს (მასე წამყვანები სუფლიორში ქართულ ტექსტსაც კითხულობენ), კარგად არბილებს თუ არა "ლ"-ს და აქვს თუ არა მეგრულისთვის დამახასიათებელი აქცენტები – წერს ლაშა ბერულავა.
,,მე არ ვიცი სვანური, მაგრამ ისევე გავიტრუნებოდი და მივუგდებდი ყურს გიორგი გაბუნიას, სვანურად ალაპარაკების შემთხვევაში, როგორც მისი მეგრული მოვისმინე, რომელიც გავიგე.
ქართულად ლაპარაკობს ვინმე, სვანურად თუ მეგრულად, მე მომწონს მისი მოსმენა, იმიტომ რომ იმ ლაპარაკში (მაგალითად, სვანურად) სიტყვები არა, მაგრამ საქართველო მესმის.
მოვუაროთ საქართველოს."
და აქვე – ლაშა ბერულავას კიდევ ერთი პოსტი ამ თემაზე:
,,უკვე გამოჩნდნენ საყველაფრო ექსპერტები და საქართველოს ბედზე მჭმუნავნი, რომლებიც საფრთხეს ხედავენ ტელევიზიით მეგრული ენის პოპულარიზაციის იმ გამოხატულებაში, რაც "პოსტსკრიპტუმში" იყო.
რავა ყველაფერი იცის ამ ხალხმა…
ასე ფხიზლად მაშინ იყოთ ნეტა, მავთულხლართები რომ ლამის ავტობანამდე მოაქვთ, თორემ კრემლი სამეგრელოში სულ ცდილობს არევას და ვერ აურია, იმიტომ რომ იქ პატრიოტები ბევრად ჭარბობენ ნაძირლებს…
დაოკდით, რა…
აბა, ბიჯო, გაბლატავდებიან მეგრელები და ავტონომიას მოითხოვენ თუ რა საფრთხეს ხედავთ ერთი, ძალიან მაინტერესებს…''