რამდენიმე საათის წინ თბილისში ნორდიკულ-ბალტიური რვიანის წევრი ქვეყნების საპარლამენტო დელეგაციები ჩამოვიდნენ. დელეგაციების შემადგენლობაში არიან პარლამენტების თავმჯდომარეები და ვიცე სპიკერები.
სამდღიანი ვიზიტის ფარგლებში, გაიმართება შეხვედრები საქართველოს პრეზიდენტთან, პარლამენტის თავმჯდომარესთან, პრემიერთან, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრთან და სამოქალაქო სექტორთან.
დაგეგმილია ასევე მათი შეხვედრა საქართველოს კათოლიკოს პატრიარქთან.
სტუმრები ადგილზე გაეცნობიან ოკუპირებულ ხაზთან არსებულ ვითარებას. ისინი ჩავლენ ევროკავშირის მონიტორინგის მისიის წარმომადგენლებთან გორში და საზღვრისპირა ნადარბაზევსა და ხურვალეთში.
გაკეთდება ერთობლივი განცხადებაც.
არის მოლოდინი იმისა, რომ საპარლამენტო დელეგაციების ვიზიტი საქართველოს კავშირებს ნორდიკულ-ბალტიურ ქვეყნებთან კიდევ უფრო ინტენსიურს გახდის.