აფხაზეთში ე.წ. საპარლამენტო არჩევნები 22 საარჩევნო ოლქში მეორე ტური ჩატარდება

ოკუპირებულ აფხაზეთში ე.წ. საპარლამენტო არჩევნების შედეგების თანახმად, 22 საარჩევნო ოლქში მეორე ტური ჩატარდება. ე.წ. არჩევნებში გუდაუთის რაიონში პირველივე ტურში ოკუპირებული აფხაზეთის ე.წ. ყოფილმა პრეზიდენტმა ალექსანდრე ანქვაბმა გაიმარჯვა. წინასწარი მონაცემებით, ოკუპირებული აფხაზეთის ე.წ. ოპოზიციამ კარგი შედეგები მიიღო. ე.წ. ოპოზიციის ერთ-ერთი ლიდერი, ე.წ სახელმწიფო უშიშროების სამსახურის ყოფილი ხელმძღვანელი ასლან ბჟანია ასევე მეორე ტურში გავიდა. აღსანიშნავია, რომ არჩევნები წააგო და მეორე ტურში ვერ გავიდა სერგეი შამბა. ე.წ. პარლამენტის ახალი სტრუქტურა მას შემდეგ გახდება ცნობილი, რაც ორ კვირაში 22 „საარჩევნო ოლქში“ მეორე ტური ჩატარდება. ე.წ. არჩევნები სულ 35 ოლქში ტარდება. ე.წ. ოპოზიციურ ბლოკში განაცხადეს, რომ ე.წ. პარლამენტში ოპოზიციის ხუთი წარმომადგენელია გასული პირველი ტურის შედეგებით. ხოლო ერთ ოლქში ხელახალი არჩევნები ჩატარდება იმის გამო, რომ კანდიდატებმა ხმათა საჭირო რაოდენობა ვერ მიიღეს.

აფხაზეთში ე.წ. საპარლამენტო არჩევნები 22 საარჩევნო ოლქში მეორე ტური ჩატარდება

სიახლეები

მიხეილ სააკაშვილი შეუძლოდ გახდა – პენიტენციური ამას წნევის ვარდნით ხსნის

მარკო რუბიომ ირაკლი კობახიძეს დაურეკა – ვინ როგორ აფასებს ზარს და რას ამბობს საუბრის შინაარსზე

დააკავეს ფაშისტური იდეოლოგიის ჯგუფის 13 წევრი – 7 არასრულწლოვანია

ზელენსკი- კიევი აღდგომის პერიოდში ცეცხლის შეწყვეტისთვის მზადაა, თუ ამას რუსეთიც გააკეთებს