თავდაცვის სამინისტროს სამხედრო პოლიციამ თანხის მითვისების ბრალდებით ორი პირი დააკავა.
გამოძიების ინფორმაციით, სამეცნიერო-ტექნიკურ ცენტრ ,,დელტას'' მიერ დაფუძნებული შპს სამშენებლო კომპანია ,,მშენებელი 2011''-ის საფინანსო განყოფილების უფროსს ა.ბ.-ს და ამავე კომპანიის არქიტექტორ-დიზაინერს ბ.ე.-ს ბრალად 243 000 ლარის მითვისება ედებათ.
საუბარია იმაზე, რომ საფინანსო განყოფილების უფროსი და მისი თანამზრახველი პირად სახელფასო ბარათზე პერიოდულად რიცხავდა სხვადასხვა ოდენობის თანხებს და ხდებოდა ამ თანხების მითვისება.
მათ წინააღმდეგ სამხედრო პოლიციაში საქმე სსკ-ის 182 – ე მუხლის II ნაწილის „დ“ და III ნაწილის “ბ” პუნქტებით აღიძრა, რაც სხვისი ნივთის ან დიდი ოდენობით ქონებრივი უფლების მართლსაწინააღმდეგო მითვისებას ან გაფლანგვას ეხება და შვიდიდან თერთმეტ წლამდე თავისუფლების აღკვეთას ითვალისწინებს“, – აცხადებენ თავდაცვის სამინისტროში.
დანაშაული შვიდიდან თერთმეტ წლამდე თავისუფლების აღკვეთას ითვალისწინებს.