დაუდასტურებელი ინფორმაციით, ცოტა ხნის წინ შინაგან საქმეთა სამინისტროს სპეცდანიშნულების რაზმის კარალეთის ბაზის თანამშრომელი რუსეთის საოკუპაციო ძალებმა გაიტაცეს. შემთხვევა სოფელ მერეთთან, ოკუპირებული სოფელ ხელჩუას სიახლოვეს მოხდა. სპეცრაზმელი ამ ტერიტორიაზე დილით ადრე, 8 საათისთვის გავიდა, სადაც ნორმატივების ჩასაბარებლად ვარჯიშობდა. გატაცებული აფხაზეთიდან დევნილია. IMEDINEWS-ის ინფორმაციით, გატაცებული უკვე რუსეთის სამხედრო ბაზაზეა გადაყვანილი.სახელმწიფო უსაფრთხოების სამსახურის ანალიტიკური დეპარტამენტის წარმომადგენელი კახა ქემოკლიძე IMEDINEWS-სთან საუბარში ამ ინფორმაციას ამ ეტაპზე ჯერჯერობით არ ადასტურებს. მისი თქმით, ინფორმაციის გადამოწმება ევროკავშირის ცხელი ხაზი მეშვეობით მიმდინარეობს.