ზუგდიდის ცენტრში , რუსთაველის ქუჩაზე მეუღლესთან ერთად მიმავალ ახალგაზრდას დანით შეიარაღებული მამაკაცი დაესხა თავს და მუცლის არეში ჭრილობა მიაყენა.
შემთხვევა ნახევარი საათის წინ მოხდა. თვითმხილველთა თქმით, ინცინდენტი ისე სწრაფად მოხდა, რომ ბევრმა იქვე მყოფმა ადამიანმა მომხდარის გააზრებაც ვერ მოასწრო – თავდამსხმელი ავტომანქანიდან გადმოვიდა და თავდასხმის შემდეგ ამავე მანქანით და ასევე უსწრაფესად გაუჩინარდა ადგილიდან .
დაჭრილი ახალგაზრდა სასწრაფო დახმარების მანქანამ საავადმყოფოში გადაიყვანა.
შინაგან საქმეთა სამინისტროში აცხადებენ, რომ დანაშაული ცხელ კვალზე გაიხსნა. თავდამსხმელი იდენტიფიცირებულია და დაკავებული, იგი დანაშაულს აღიარებს.
საქმე აღძრულია სს კოდექსის 117-ე მუხლით, რაც სხეულის განზრახ მძიმე დაზიანებას გულისხმობს.