„ბავშვთა სამყაროში“ გაჩენილი ხანძრის შედეგად დაზარალებულებმა თბილისის მუნიციპალიტეტის საკრებულოს წინ კარვების გაშლა სცადეს.
სამართალდამცავებმა მათ ამის საშუალება არ მისცეს, რასაც დაპირისპირება მოყვა. პოლიციელები ამ დრომდე ცდილობენ კარვების გატანას ტერიტორიიდან, დაზარალებული მოვაჭრეები კი არ ანებებენ ამას.
მოვაჭრეები მეორე დღეა საკრებულოსთან მართავენ აქციას ხელისუფლებისგან კომპენსირების მოთხოვნით. გუშინ ისინი მთელი დღის განმავლობაში ითხოვდნენ თბილისი მერთან შეხვედრას, თუმცა მისგან მიიღეს პასუხი: ,,ესენი ჩემთან შეხვედრას ვერ ეღირსებიან"
.ქციის მონაწილეთა განცხადებით, ხანძარმა მთელი მათი ქონება გაანადგურა, ხელისუფლება კი არაფერს აკეთებს მათი დახმარებისთვის.
თბილისში, თევდორე მღვდლის ქუჩაზე არსებული "ბავშვთა სამყარო" 30 იანვარს დაიწვა,მას შემდეგ . დაზარალებულებმა რამდენიმე საპროტესტო აქცია მოაწყვეს, მაგრამ არათუ დახმარების თხოვნის დაკმაყოფილებას, გადაწყვეტილების მიმღებ პირებთან შეხვედრასაც კი ვერ მიაღწიეს.