სენაკში შუახნის მამაკაცი მოკლეს. არსებული ინფორმაციით, მას სასიკვდილო ჭრილობა მეგობარი ქალის 18 წლის შვილმა მიაყენა.როგორც ცნობილია, მომხდარს წინ უძღოდა ურთიერთშელაპარაკება. ბრალდებული შემთხვევის ადგილიდან მიიმალა.მომხდართან დაკავშირებით, სხვა დეტალები, ამ ეტაპზე, უცნობია. შემთხვევის ადგილზე ექსპერტ-კრიმინალისტები მუშაობენ.შინაგან საქმეთა სამინისტრო შემთხვევის დეტალებზე არ საუბრობს, თუმცა მკვლელობის ფაქტს ადასტურებენ და აცხადებენ, რომ გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს და ისჯება თავისუფლების აღკვეთით ვადით შვიდიდან თხუთმეტ წლამდე.
სენაკში მამაკაცს სასიკვდილო ჭრილობა სავარაუდოდ მეგობარი ქალის შვილმა მიაყენა
Published on