ზუგდიდში, ტელერადიოკომპანია "ოდიშის" ორგანიზებით არხის ეზოში სამაუწყებლო კომპანია რუსთავი 2 -ს მხარდასაჭერი აქცია გაიმართა. სპეციალურად მომზადებულ სცენაზე ნებისმიერ მსურველს შესაძლებლობა ჰქონდა სიტყვით მიემართა შეკრებილებისთვის. "ერთიანი ნაციონალური მოძრაობის" პოლიტსაბჭოს წევრის ანა წითლიძის განცხადებით, სასამართლოს მიერ მიღებული გადაწყვეტილება არის სამარცხვინო.
"უზენაესი სასამართლოს მიერ გუშინ მიღებული გადაწყვეტილება, ეს არის სამარცხვინო გადაწყვეტილება, რომლითაც დასამარდა ორი ყველაზე მნიშვნელოვანი ინსტიტუტი ამ ქვეყანაში – დამოუკიდებელი სასამართლო და თავისუფალი მედია. დღეს საქართველოს მოქალაქეებს სხვა ბერკეტი გარდა იმისა, რომ რუსთავი 2 დავიცვათ ფიზიკურად, არ გაგვაჩნია. შესაბამისად, "ერთიანი ნაციონალური მოძრაობის" სამეგრელოს ორგანიზაციამ უკვე დაიწყო მზადება იმისთვის, რომ ჩვენ შევუერთდეთ გრძელვადიან აქციას და დავიცვათ რუსთავი 2" – განაცხადა ერთიანი ნაციონალური მოძრაობის პოლიტსაბჭოს წევრმა ანა წითლიძემ.
სამაუწყებლო კომპანია რუსთავი 2 -ის მხარდასაჭერი აქცია ტელერადიოკომპანია "ოდიშის" ორგანიზებით გაიმართა.