სამაუწყებლო კომპანია „რუსთავი2“-ის შენობის წინ კარვების გაშლა დაიწყეს. გადაწყვეტილება საკოორდინაციო საბჭოს წარმომადგენლებმა მიიღეს, რომელთა განცხადებით, კარავი იქნება ერთგვარი შტაბი, სადაც სამომავლო გეგმები შემუშავდება.სამაუწყებლო კომპანია „რუსთავი2“-თან ამ დრომდე რჩებიან არხის მხარდამჭერები. ისინი უზენაესი სასამართლოს დღევანდელ გადაწყვეტილებას აპროტესტებენ, რომლითაც ტელეკომპანია ქიბარ ხალვაშს მიეკუთვნა. მათი თქმით, გადაწყვეტილება უსამართლოა და ისინი ტერიტორიის დატოვებას არ აპირებენ.