"მე გავოცდი, ეს რომ მოვისმინე, რომ ამოღებული იყო იარაღი".- სოსო ოხანაშვილი

საქართველოს კათოლიკოს-პატრიარქის პირადი დაცვის ყოფილი უფროსი, სოსო ოხანაშვილი, გავრცელებულ ინფორმაციას საპატრიარქოს ჩხრეკასთან დაკავშირებით, „აბსურდულს“ უწოდებს.ამის თაობაზე სოსო ოხანაშვილმა გადაცემა არჩევანში ისაუბრა. მისთვის გაუგებარია, რატომ შეიძლებოდა, რომ ჩატარებულიყო ჩხრეკა საპატრიარქოში.„რას უნდა გამოეწვია საპატრიარქოში ჩხრეკა? იქ გვაქვს ჩვენი კუთვნილი იარაღი სეიფში ჩაკეტილი, დაცვის თანამშრომლების, დაცვის პოლიციიდან მომაგრებული ტაბელური იარაღები და იქ არანაირი ჩხრეკა არ ჩატარებულა. ეს იყო გადაუმოწმებელი, დაუზუსტებელი ინფორმაცია და მე გავოცდი, ეს რომ მოვისმინე, რომ ამოღებული იყო იარაღი… რა იარაღი უნდა ამოეღოთ, რაც არ არის? არის ტაბელური იარაღები,“ – აცხადებს სოსო ოხანაშვილი.მისი თქმით, ზოგიერთ სასულიერო პირს აქვს სანადირო თოფი და ამას კანონი არ კრძალავს.რაც შეეხება უკანონო იარაღს, სოსო ოხანაშვილი აცხადებს, რომ მსგავსი ფაქტი მას არ შეხვედრია და თუ შეხვდებოდა, ამას აღკვეთდა. ის აცხადებს, რომ მას მამა გიორგის ხელში იარაღი არასდროს უნახავს.

“მე გავოცდი, ეს რომ მოვისმინე, რომ ამოღებული იყო იარაღი”.- სოსო ოხანაშვილი

სიახლეები

ელენე ხოშტარიას 5000 ლარიანი საპატიმრო გირაო შეეფარდა

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა

ცეცხლსასროლი იარაღის უკანონო შენახვა-ტარების ბრალდებით დაკავებულია ზურაბ ზვიადაური

საგამოძიებომ 75 137 ბოთლი კუსტარულად დამზადებული სასმელი ამოიღო – დააკავეს 7 პირი