28 თებერვალს მსოფლიო საერთაშორისო ძილის დღეს აღნიშნავს.
ეს სახალისო დღე გაძლევს უფლებას დაიძინო ნებისმიერ ადგილას, როცა კი ძილი მოგერევა – პარკში, კაფეში, მეტროში, სკოლაში თუ სამსახურში – თუკი გარისკავ და არ შეუშინდები, რომ საქმეში ჩაუხედავებმა შეიძლება გიჟად ჩაგთვალონ.
ძილის საერთაშორისო დღე 2008 წლიდან აღინიშნება მედიცინის საერთაშორისო ასოციაციასთან არსებული ძილის საერთაშორისო კომიტეტის ( World Sleep Day Committee) ინიციატივით.
ამ ხუმრობანარევი დღის დანიშნულება სინამდვილეში სულაც არ არის სახუმარო: მისი მიზანია საზოგადოების ყურადღება მიაპყროს სწორი და ჯანსაღი ძილის პროპაგანდას და ძილის დარღვევის პრობლემას სამედიცინო, საგანმანათლებლო და სოციალურ ასპექტებთან კონტექსტში.
ჯანსაღი ძილის საკითხი ფრიად აქტუალურია საქართველოს მოსახლეობისათვის, რომელსაც დიდი ხანია გაუფრთხო ძილი ხელისუფლების უთავბოლო პოლიტიკის შედეგად წარმოქმნილმა თუ გადაუჭრელმა პრობლემებმა, თავად ხელისუფლება კი გულმოდგინედ ასრულებს ძილის დღის მოთხოვნებს დღესაც და ყოველდღე და გახელილი თვალებით ძინავს.