აზერბაიჯანისა და სომხეთის თავდაცვის უწყებებმა ერთდროულად გაავრცელეს ინფორმაცია მთიან ყარაბაღში შეტაკებების განახლების შესახებ. გავრცელებული ცნობების თანახმად ორივე მხრიდან არიან დაღუპულები.ორივე მხარე ცეცხლის განახლებას მოწინააღმდეგეს აბრალებს.აზერბაიჯანის თავდაცვის სამინისტროს ცნობით, მძაფრი შეტაკებები ხოჯევანი-ფუზულის მიმართულებით მიმდინარეობდა. განცხადებაში ნათქვამია, რომ სომხურმა მხარემ 25 თებერვალს, ღამით ფართომასშტაბიანი შეტევა განახორციელა აზერბაიჯანის არმიის ქვედანაყოფების პოზიციებზე, რასაც საპასუხო ცეცხლი მოჰყვა და მოწინააღმდგემ მძიმე დანაკარგების გამო უკან დაიხია. მსხვერპლია აზერბაიჯანელ სამხედროებს შორისაც.სომხეთში აცხადებენ, რომ მათი მხრიდან არანაირ შეტევას ადგილი არ ჰქონია და აზერბაიჯანი ცდილობს ყარაბაღის მიმართულებით პროვოკაციები განახორციელოს, რაზედაც მან ადეკვატური პასუხი მიიღო. ერევანი აცხადებს, რომ სომხური მხარე პირნათლად ცავს ცეცხლის შეწყვეტის რეჟიმს და მოუწოდებს აზერბაიჯანს თავი შეიკავოს რეგიონში კონფლიქტის გამწვავების მცდელობისაგან.ამჯერად რეგიონში სროლები შეწყვეტილია.