მე სოსო ოხანაშვილი საპატრიარქოში არ მინახავს, – ამის შესახებ საპატრიარქოს მდივანმა, დეკანოზმა მიქაელ ბოტკოველმა ჟურნალისტებს განუცხადა. გავრცელდა ინფორმაცია იმის შესახებ, რომ სოსო ოხანაშვილმა პატრიარქის დაცვის უფროსის თანამდებობა დატოვა, თუმცა მამა მიქაელ ბოტკოველმა აღნიშნულ შეკითხვას არ უპასუხა. „სოსო ოხანაშვილი საპატრიარქოში არ იმყოფება. არ ვიცი ამასთან დაკავშირებით არაფერი. პატრიარქის დაცვის შემადგენლობა საპატრიარქოშია, თუმცა რაც მისი უწმინდესობა საქართველოში დაბრუნდა, მე სოსო ოხანაშვილი საპატრიარქოში არ მინახავს“, – განაცხადა დეკანოზმა მიქაელ ბოტკოველმა.