წმინდა სინოდის წევრებთან შეხვედრის დასრულების შემდეგ დეკანოზ გიორგი მამალაძის ადვოკატმა მიხეილ რამიშვილმა ჟურნალისტებთან კომენტარი გააკეთა.წმინდა სინოდის წევრებს ჰქონდათ ბევრი კითხვა, რაზეც ადვოკატებმა დეტალურად მიაწოდეს ინფორმაცია. „ჩვენ აბსოლუტურად დეტალურად ვისაუბრეთ და მივეცით ინფორმაცია იმის თაობაზე, თუ რასთან გვაქვს საქმე. ჩვენებასთან დაკავშირებით სინოდის წევრებს ბევრი კითხვა ჰქონდათ, ანუ ჩვენებას აძლევს მამა გიორგი იმ გარემოებებთან დაკავშირებით, რაზეც ბრალი აქვს წარდგენილი, რომ მისი ბრალი არის უსაფუძვლო. სინოდის წევრების კითხვებს ჩვენ დელატურად ვუპასუხეთ. სინოდის წევრები ძალიან დაინტერესებულნი არიან ერთი რამით, რომ სამართალმა იზეიმოს. საუბრის დროს მათ საკუთარი პოზიცია არ ჰქონიათ გამოხატული, შესაბამისად, ჩვენი საუბრის მიმდინარეობისას აზრთა სხვადასხვაობა არ მომისმენია“, – განაცხადა მიხეილ რამიშვილმა.