გალში ინციდენტების პრევენციისა და მათზე რეაგირების მექანიზმის ფარგლებში, მორიგი შეხვედრა დასრულდა. სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე კახაბერ ქემოკლიძემჟურნალისტებს ის საკითხები გააცნო, რაზეც შეხვედრაზე ისაუბრეს. ქემოკლიძის ინფორმაციით, პატიმარი გიორგი ლუკავა დრანდის ციხეში იმყოფება და მის სიცოცხლეს საფრთხე არ ემუქრება, თუმცა ამ სიტყვების არ სჯერა თავად გიორგი ლუკავას მეუღლეს, რომელიც დილიდან ენგურის ხიდზე იმყოფება.მასთან ერთად იმყოფებოდნენ ერთიანი ნაციონალური მოძრაობის წევრები და მხარდამჭერები, ასევე დაკავებულის მეგობრები. ლალი ბასარია ამბობს, რომ მისი მეუღლე დრანდის ციხიდან 27 იანვარს გაიყვანეს და მისი ადგილსამყოფელი უცნობია. მან მთავრობის კანცელარიასთან 10 დღე იშიმშილა და როგორც თავად აცხადებს, პროტესტის ეს ფორმა ჯანმრთელობის მდგომარეობის გამო შეწყვიტა.