ამ წუთიდან „რუსთავი 2“ ისევ ჩაირთო, რაც იმის ნიშანია, რომ ეს არხი არასდროს უნდა გამოირთოს, – ამის შესახებ ტელეკომპანია რუსთავი 2 – ის გენერალური მდივნის მოადგილემ  ზაალ უდუმაშვილმა „რუსთავი 2“-ის მხარდამჭერ აქციაზე სიტყვით გამოსვლისას განაცხადა.
 

„თქვენ რომ გიყურებთ ასე ერთად შეკრებილებს, დარწმუნებული ვარ, რომ „რუსთავი 2“-ს და ამ ქვეყანაში სიტყვის თავისუფლებას საფრთხე აღარ ემუქრება. ორი წელია უკვე გაუსაძლის გარემოში გვიწევს მუშაობა, ერთი ნაბიჯი არ გადაგვიდგამს უკან, თუმცა ყველაფერს თავისი ზღვარი აქვსდღეს ჩვენ ერთად უნდა ვუთხრათ ამ ხელისუფლებას, რომ ვერასოდეს შეეხებით ამ ქვეყანაში სიტყვის თავისუფლებას. მერწმუნეთ,  „რუსთავი 2“ თუ დაეცა, ეს არ იქნება მხოლოდ ერთი ტელევიზიის დაცემა, ეს ნიშნავს იმას, რომ ხვალ თითოეული ჩვენგანის ოჯახებში შემოვლენ, რასაც უნდა გააკეთებენ და ამ ქვეყანაში სივრცე აღარ იქნება, რომ თქვენი პრობლემები გააუშოქოს“, – განაცხადა უდუმაშვილმა. 

 

ვაფრთხილებ ხელისუფლებას –  დიახ სახელმწიფო მანქანა ძლიერია, დიახ, სახელმწიფო მანქანასთან ბრძოლა ძალიან ძნელია. მაგრამ შეიძლება ხელისუფლებამ თავისი სისტემით დაჩაგროს ადამიანების ჯგუფი, შეუძლია გათიშოს და დაჩაგროს ადამიანები, მაგრამ ამ შემთხვევაში ანდაზა „ძალა აღმართს ხნავს“ ხელისუფლების სასარგებლოდ არ მუშაობს. ეს ძალა ( ხალხის ძალა)  ხნავს აღმართს და ამ ძალას წინ ვერაფერი დაუდგება“,

 

მსურს მივმართო იმ მოსამართლეებს, რომლებიც დღემდე მედგრად დგანან, ძალიან ცოტა დარჩა ბატონებო ამ ყველაფრის დასასრულამდე, მოგიწოდებთ იყავით მხნედ, იღებთ გადაწყვეტილებას არა დღევანდელი დღისთვის, არამედ ამ ქვეყნის მომავლისთვის და თქვენი შვილებისთვის. გადაწყვეტილებას იმაზე, როგორ ქვეყანაში უნდა გაიზარდონ თქვენი შვილები და მე მგონი, დღეს არც ერთ მოსამართლეს არ სურს, მათი გვარები დადგეს ნაზღაიძის და ურთმელიძის გვარების გვერდით

 

იმედი მაქვს, რომ ამ ქვეყანაში სამართლიანობა გაიმარჯვებს, ვინაიდან სიმართლეს წინ ვერაფერი დაუდგება – განაცხადა ზაალ უდუმაშვილმა.