„მამა გიორგის ინტერესებიდან გამოვდივარ, რომ ამ საკითხის პოლიტიკიდან დისტანცირება მაქსიმალურად მოხდეს. ერთადერთი რამ მაინტერესებს, მისი უდანაშაულობა გაირკვეს და ის, თუ ვინ მოუწყო ეს. სოციალურ ქსელებს გადახედეთ, თუ როგორი შეფასება კეთდება. მოვუწოდებ ყველას, ეს ჭაობი დაამთავრეთ და პროფესია პოლიტიკაში ნუ გერევათ. მე ვარ იურისტი, მამა გიორგის ინტერესების დამცველი და თითოეულ სიტყვას, რასაც ვამბობ, მამა გიორგისთან შეთანხმებული მაქვს. თქვენი პოლიტიკა თქვენთვის შეინახეთ", – განაცხადა დღეს გიორგი ფანცულაიამ ჩაფიძის კარდიოლოგიურ ცენტრში, სადაც დეკანოზ გიორგი მამალაძის მოსანახულებლად მივიდა.

 

მისი თქმით, იგი  არ აპირებს დეკანოზ გიორგი მამალაძის საქმით პოლიტიკური კარიერის გაკეთებას , პირიქით, მაქსიმალურად ცდილობს, მამა გიორგის საქმე პოლიტიკისგან დისტანცირებული იყოს. 

 

მინდა ადრესატებმა გაიგონ, საქართველოში ერთხელ და სამუდამოდ, საადვოკატო საქმიანობა პოლიტიკისგან უნდა გაიმიჯნოს. მხოლოდ პროფესიულ, იურიდიულ განცხადებებს ვაკეთებ და იმ ტერმინოლოგიით არ ვსაუბრობ, ვისაც პოლიტიკური ქულების ჩაწერა უნდა. ნურას უკაცრავად! თავიანთი სიტყვები თავისთვის შეინახონ“, – განაცხადა გიორგი მამალაძემ. 

 

რატომ აშინებს ადვოკატს დეკანოზ გირგი მამალაძის საქმის ფართო საზოგადოებრივი რეზონანსი და ჯანსაღი ინტერესი – გაირკვეს სიმართლე, ძნელი მისახვედრი არ არის.  მიხვდება თუ არა ამას გიორგი მამალაძის ოჯახი უახლოეს ხანებში ვნახავთ.