უხვმა ნალექმა პრობლემები შექმნა ზუგდიდის მუნიციპალიტეტის სოფლებში

მთელი დღის განმავლობაში თოვდა ზუგდიდში. უხვმა ნალექმა პრობლემები შექმნა ზუგდიდის მუნიციპალიტეტის სოფლებში, რის გამოც შეზღუდული იყო საავტომობილო მოძრაობა. გაუწმენდავი გზების გამო საგზაო მოძრაობა შეფერხდა ჯიხაშკარში. აქ ადგილობრივებს სტიქიასთან ბრძოლა საკუთარი ძალებით უწევდათ და ადგილობრივი ხელისუფლებისგან დახმარებას ითხოვდნენ.საგზაო მოძრაობა ასევე შეფერხებული იყო ზუგდიდის მუნიციპალიტეტის რამდენიმე სოფელში, მათ შორის ინგირში, ნარაზენში, ნაცატუში, ოდიშში, რიყეში, ტყაიაში, ჩხორიაში, ჭკადუაშში, ჭაქვინჯის და ყულიშკარის ადმინისტრაციულ ერთეულებში. სოფლებში საგზაო შეფერხებებთან დაკავშირებით მუნიციპალიტეტის საკრებულოში აცხადებენ, რომ ინფორმაციას ფლობენ და გაწმენდითი სამუშაოები ეტაპობრივად ხორციელდება .რაც შეეხება ელექტროენერგიის მიწოდებას – გათიშვები რამდენიმე სოფელში დაფიქსირდა,ენერგო პრო-ჯორჯიას საზოგადოებასთან ურთიერთობის სამსახურის უფროსის განმარტებით, კომპანიის თანამშრომლები აქტიურად მუშაობენ პრობლემის აღმოსაფხვრელად.რაც შეეხება უახლოესი დღეების ამინდის პროგნოზს – სინოპტიკოსების განცხადებით, თოვა დღესაც გაგრძელდება, თუმცა ნაკლები ინტენსივობით, ხვალიდან კი ყინვას ვარაუდობენ.

უხვმა ნალექმა პრობლემები შექმნა ზუგდიდის მუნიციპალიტეტის სოფლებში

სიახლეები

ბოჭორიშვილი- EU-ში ხშირად ატარებენ შეხვედრებს, იმისთვის რომ საქართველო არ მიიწვიონ

საიამ სტრასბურგში რუსეთის წინააღმდეგ ანწუხელიძისა და სხვა სამხედროების საქმეები მოიგო

“დროა”-ელენე ხოშტარიას ჯანმრთელობის მდგომარეობა კიდევ უფრო გაუარესდა

უკრაინის იერიშების გამო რუსეთი საწვავის იმპორტსა და მის სუბსიდირებას განიხილავს