თბილისის საქალაქო სასამართლოში, საქალაქო სასამართლოს ყოფილი თავმჯდომარის მამუკა ახვლედიანის დაკითხვა მიმდინარეობს.
დაკითხვა გამოძიებისადმი უნდობლობის გამო, ნიკა გვარამიას მსგავსად, მამუკა ახვლედიანმაც მოსამართლის თანდასწრებით მოითხოვა.
საქმე ეხება რუსთავი 2-ის გენერალური დირექტორის კომპიუტერულ სისტემაში უნებართვო შეღწევის, მისი და მამუკა ახვლედიანის პირადი საუბრის ამსახველი ვიდეო ჩანაწერის უკანონოდ მოპოვებისა და გავრცელების საქმეს, რომელზეც გამოძიება მიმდინარეობს.მამუკა ახვლედიანი გავრცელებული ჩანაწერის ავთენტურობას ეჭვქვეშ აყენებს და აცხადებს, რომ მას რუსთავი 2-ის გენერალურ დირექტორთან შეხვედრა რამდენჯერმე საჯარო ადგილზე ჰქონდა.
მამუკა ახვლედიანისთვის ასევე გაურკვეველია გავრცელებული ჩანაწერი ნამდვილად ნიკა გვარამიას ჩაწერილია თუ არა, რადგან საქალაქო სასამართლოს ყოფილი თავმჯდომარის თქმით, თუ აუდიო მასალა ნიკა გვარამიამ ჩაწერა, მისი ქრონომეტრაჟი არა ნახევარი საათი, არამედ დაახლოებით 2 საათი უნდა იყოს.