პარლამენტის დარგობრივი ეკონომიკისა და ეკონომიკური პოლიტიკის კომიტეტმა ჩააგდო მაციონალური მოძრაობის მიერ გატანიკლი რეზოლუციის პროექტი „საქართველოს მთავრობასა და კომპანია „გაზპრომს“ შორის მიმდინარე მოლაპარაკებების შესახებ“.
უმრავლესობამ მხარი არ დაუჭირა რეზოლუციის პროექტის პლენარულ სხდომაზე გატანას რაც სავსებით მოსალოდნელი იყო, რადგან მასში ფაქტობრივად მხილებულია მთავრობის მიერ დადებული ხელშეკრულების ანტისახელმწიფოებრივი ხასიათი.
"ჩვენ გავაკეთეთ "გაზპრომთან" ხელშეკრულების რეკონსტრუქცია. დარწმუნებული ვართ, როცა გასაჯაროებას მივაღწევთ, ის აუცილებლად დაემთხვევა ჩვენ მიერ წარმოდგენილ პროექტს. ამ ხელშეკრულებით საქართველომ იზარალა მრავალი მილიონი ლარი",- განაცხადა ფრაქცია "ნაციონალური მოძრაობის" თავმჯდომარემ რომან გოცირიძემ. მისი თქმით, ბრძოლა ამით არ დამთავრდება – "გაზპრომთან" დადებული ხელშეკრულება უნდა გაუქმდეს და ამისთვის გამოყენებული იქნება როგორც პოლიტიკური, ისე სამართლებრივი ხერხები.
"ჩვენ ამას გავასაჩივრებთ სასამართლოში და მივაღწევთ კონტრაქტის ჯერ გასაჯაროვებას და შემდეგ ხალხის მხარდაჭერით შევეცდებით, ხელისუფლება ვაიძულოთ ამ ხელშეკრულების გაუქმებისკენ ნაბიჯის გადასადგმელად",- განაცხადა გოცირიძემ.