თბილისის მერიასთან ”ნაციონალური მოძრაობის” მიერ ორგანიზებულ აქციაზე 13 პირია დაკავებული, . აღნიშნულთან დაკავშირებით გამოძიება ადმინისტრაციულ სამართალდარღვევათა კოდექსის 173-ე და 166 -ე მუხლებით მიმდინარეობს. – აცხადებენ შინაგან საქმეთა სამინისტროში
დაკავებულთა შორის არიან ერთიანი ნაციონალური მოძრაობის წევრები ბესო გაზდელიანი, რამაზ ქერეჭაშვილი, დათო დიღმელაშვილი, გიგა ლემონჯავა, დაუზუსტებელი ცნობით, დაკავებული არიან აგრეთვე გიორგი რუხაია, ბესო შენგელია, ბიძინა ხერხეულიძე და გივი კუბლაშვილი
„მოვიდა პროვოკატორი, ვინმე ჩოხელი, ვისაც ხელისუფლება საეთერო დროს უთმობს და მცდელობა ჰქონდა, რომ საზოგადოებრივ აზრი იმდაგვარად ჩამოეყალიბებინა რომ არაფერ შუაში იყო ნაზღაიძე და მის საკუთრებაში იყო ტერიტორია და ქრთამის აღება-მიცემასთან არ გვაქვს საქმე, საქმე გვაქვს ჩოხელთან,. ეს ჩოხელი გამოცხადდა და შეურაცხყოფა მიაყენა აქ მყოფ მოქალქეებს. მოვიდა გენერალი ლევან გვაზავას მეგობარი ვარო, აქ მოვიდა ლევან გვაზავას სახელით. ეს ასე არ დამთავრდება, სანამ ნარმანია კითხვებზე პასუხს არ გასცემს, აქციები არ შეწყდება,“- განაცხადა ნაციონალური მოძრაობის პოლიტსაბჭოს თავმჯდომარემ, ნიკა მელიამ.