ზუგდიდის C ჰეპატიტის მართვის მშენებარე ცენტრი დღეს საქართველოს შრომის, ჯანმრთელობისა და სოციალური დაცვის მინისტრის მოადგილემ დაათვალიერა. ვალერი კვარაცხელიას განცხადებით, მშენებლობის პროცესში დაფიქსირებული 30-მდე ტექნიკური ხარვეზის დიდი ნაწილი გამოსწორებულია და თვის ბოლოსთვის უკვე დაგეგმილია მისი გახსნაც. ადგილზე დღეს იმყოფებოდა კლინიკის მშენებელი კომპანია "ენკის" დირექტორი რევაზ ნაჭყებიაც, რომლის ინფორმაციით კლინიკის მშენებლობა 88 ათასი ლარი დაჯდა.შრომის, ჯანმრთელობისა და სოციალური დაცვის მინისტრმა დავით სერგეენკომ ზუგდიდის C ჰეპატიტის მართვის მშენებარე ცენტრი გასულ თვეში დაათვალიერა და უკმაყოფილო დარჩა მისი პროცესით. მან მშენებელ კომპანიას ხარვეზების აღმოსაფხვრელად ათდღიანი ვადა მისცა.
“მშენებლობისას დაფიქსირებული 30-მდე ხარვეზის დიდი ნაწილი უკვე გამოსწორებულია”- ვალერი კვარაცხელიამ ზუგდიდში c ჰეპატიტის სკრინინგ-ცენტრი დაათვალიერა
Published on