სამების საკათედრო ტაძარში დღეს არქიმანდრიტმა იოანე მჭედლიშვილმა მრევლს მოუწოდა ილოცოს სრულიად საქართველოს კათოლიკოს-პატრიარქისჯანმრთელობისთვის .
ხვალ 13 თებერვალს ბერლინში თბილისის დროით, 11:00 საათზე მისთვის ქირურგიული ოპერაციის გაკეთება იგეგმება.
საქართველოს საპატრიარქოს მიერ 9 თებერვალს გავრცელებული განცხადების თანახმად, საქართველოს კათოლიკოს-პატრიარქს კლინიკო-ლაბორატორიული და ინსტრუმენტული გამოკვლევები ჩაუტარდა. მიღებული მონაცემების საფუძველზე ნაღვლის ბუშტის ქირურგიული მეთოდით მკურნალობის აუცილებლობა დადასტურდა.
პატრიარქი ბერლინში სამკურნალოდ 2 თებერვალს გაემგზავრა.