„ჩვენ გავაპროტესტებთ მერიის თავნებობასაც, ჩვენ გავაპროტესტებთ უზენაეს სასამართლოში მიმდინარე პროცესებსაც და იმ შემთხვევაში, თუ ამის საჭიროება იქნა, ჩვენ აქაც ვაპირებთ, რომ დავიცვათ რუსთავი 2 და იგივე მოვუწოდოთ საზოგადოებას. დღეს რაც ხდება, ეს არის თავისუფალი სიტყვის გაუქმება,“ – აცხადებს ერთიანი ნაციონალური მოძრაობის პოლიტიკური საბჭოს წევრი ნუგზარ წიკლაური საკოორდინაციო საბჭოს სახელით.
„ვერ დაველოდებით, როდის შეიძლება ბოლომდე მოგუდონ მედიასივრცე ოლიგარქის მარიონეტებმა სასამართლოს მეშვეობით.“- აცხადებს პარტია ,,რეფორმატორების'' თავმჯდომარე, ირაკლი ღლონტი. იგი ფიქრობს, რომ აუცილებელია პერმანენტულად განხორციელდეს ხელისუფლებაზე ზეწოლა კანონის ფარგლებში.
საკოორდინაციო საბჭოს სხვა წევრი პარტიები ფიქრობენ, რომ სიტუაცია ნებისმიერ დროს შეიძლება დაიძაბოს და საზოგადოება მზად უნდა იყოს ამისთვის. რუსთავი 2-ის დასაცავად მათ გარკვეული ღონისძიებები აქვთ დაგეგმილი.
საპროტესტო აქციები რუსთავი 2 – ის დასაცავად სავარაუდოდ ხვალიდან გაგრძელდება და მთელ მომავალ კვირას გასტანს, თუმცა გეგმის დეტალები ჯერჯერობით არ ხმაურდება.
პირველი ასეთი აქცია-მსვლელობა 8 პოლიტიკური პარტიისგან შემდგარი საკოორდინაციო საბჭოს ორგანიზებით ორი დღის წინ გაიმართა და უზენაესი სასამართლოს შენობასთან დასრულდა.