2017 წლის ადგილობრივი თვითმმართველობია არჩევნებში მონაწილეობას და მერობისთვის ბრძოლას საქართველოს ფეხბურთის ფედერაციის ყოფილი პრეზიდენტი აპირებს, თუმცა საბოლოო გადაწყვეტილება ზვიად სიჭინავას ჯერ არ მიუღია. „„ეს ჩემზე არ არის დამოკიდებული, ზუგდიდელი ელექტორატის გადასაწყვეტია. მე ყოველდღიურად ვეცნობი ქალაქში არსებულ ვითარებას და ვსწავლობ მას. ვფიქრობ, რა არის გასაკეთებელი და შეიძლება გაკეთდეს, ბევრი კარგი რამის გაკეთება მინდა ჩემი ქალაქისთვის, მერი უნდა იყოს მენეჯერი. მან უნდა მართოს ქალაქის ინფრასტრუქტურა, სოციალური საკითხები და ასე შემდეგ. ვიცი, რომ ირაკლი გოგოხია ბევრს აკეთებს ქალაქისთვის, თუმცა მოწინააღმდეგებიც ჰყავს“, -აცხადებს სიჭინავა და სწორედ იმიტომ, რომ ქალაქის მერი პოლიტიკური ფიგურა არ უნდა იყოს, არცერთ პოლიტიკურ პარტიაში გაწევრიანებას არ აპირებს, თუმცა ნებისმიერ მათგანთან თანამშრომლობას გეგმავს.