თავისუფალი მედიის მხარდასაჭერად გამართული მსვლელობა დასრულდა.
ჟურნალისტი ლაშა ბერულავა ბიძინა ივანიშვილს მიმართავს და ურჩევს აქციის მონაწილეთა რაოდენობის დათვლის ნაცვლად დააკვირდეს იმ ადამიანების რეაქციას, ვინც მანქანებში იჯდა ან ლაღიძეზე და გრიბოედოვზე ქუჩაში გამოვიდა – მაღაზიების გამყიდველებს, სტილისტებს, ბანკებში მისულ კლიენტებს, დასუფთავების თანამშრომლებს, თუნდაც პატრულ-პოლიციელებს, უბრალოდ, გამვლელებს…
,,ხალხის განწყობა შეცვლილია. განწყობა შეცვლილია, განწყობა, წარმოგიდგენიათ? რომ მახსენდება, ახლაც მაჟრიალებს…
თუ ადრე აგრესიით ხვდებოდნენ ნაცების და მათთან აფილირებულთა გამოსვლებს, ახლა შორიდან ხელს უქნევდნენ, უღიმოდნენ, მანქანებიდან ტელეფონებით იღებდნენ ვიდეოებს და გვიცინოდნენ, იცინოდნენ.
კი არ დაგვცინოდნენ, გვიცინოდნენ. პოტენციურად გამომსვლელები არიან ისინიც ქუჩაში, ბტნ ბძნ.
შენ კიდე, შენ დაქირავებულებს აქ ფეისბუქ-ლაივის ვიდეოებზე აწერინე გინებები…
მოკლედ, სულ ამის თქმა მინდოდა, ბტნ ბძნ: ხალხი იცინის.
და კიდევ იმისაც, რომ მარტო იმ ხეში კი არაა საქმე, სხვა ხეებში წყალი ჩადგა უკვე, თებერვალი დადგა და მალე გაზაფხულდება, დათბება, ბტნ ბძნ.'' – წერს ლაშა ბერულავა თავის ფეისბუქგვერდზე