სოფელ ცაიშთან მომხდარი ავარიისას მერსედესის მარკის მძღოლი გარდაიცვალა. 35 წლის გიორგი ფიფია, რომელიც მერსედესის მარკის ავტომანქანას მართავდა, სოფელ ცაიშში მდინარე ჯუმის ხიდიდან გადავარდა, შემთხვევა წუხელ მოხდა.მდინარეში გადავარდნილი ავტომობილიდან მძღოლის ამოყვანას სამაშველო სამსახურის თანამშრომლები ერთი საათის განმავლობაში ცდილობდნენ. ის ზუგდიდის რეფერალურ საავადმყოფოში გადაიყვანეს. ავარიის გამო რამდენიმე საათის განმავლობაში გადაკეტილი იყო ზუგდიდი-სენაკის ცენტრალური ავტომაგისტრალი და მოძრაობა შესაძლებელი იყო შემოვლითი გზით. მორიგე ექიმის განმარტებით, პაციენტი მრავლობითი დაზიანებებით შემოიყვანეს საავადმყოფოში, მას ჩაუტარდა ქირურგიული ოპერაციაც, თუმცა მისი გადარჩენა ვერ მოხერხდა.შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება.