ავტოტრანსპორტის მოძრაობა საქართველო – თურქეთის საზღვარზე სარფის საბაჟოს გავლით აღდგენილია.
გუშინ საღამოს მოძრაობის რამდენიმე საათიანი აკრძალვის შემდეგ წარმოქმნილი თითქმის სამკილომეტრიანი რიგი გამთენიისთვის განიტვირთა – მსუბუქი ავტომობილები და ავტობუსები თავისუფლად გადაადგილდებიან საზღვარზე.
გზა წუხელ, სამ საათზე გაიხსნა, შეფერხების მიზეზად შინაგან საქმეთა სამინისტრო თურქეთის მხარეს მიმდინარე სარემონტო სამუშაოებს ასახელებს. ავტომობილებისგან განსხვავებით, აკრძალვა ქვეითებს არ შეხებია, მათ საზღვრის გადაკვეთა თავისუფლად შეეძლოთ.