„ერთიანი ნაციონალური მოძრაობის“ მიერ 10 თებერვალს დაგეგმილი შეხვედრა 15 თებერვლამდე გადაიდო. როგორც პარტიაში განმარტავენ, შეხვედრის გადადების მიზეზი, 10 თებერვალს „რუსთავი 2“-ის საქმესთან დაკავშირებით დანიშნული სასამართლო გადაწყვეტილების გამოცხადებაა. მათივე ცნობით, აღნიშნული გადაწყვეტილება, შეიძლება, „ქვეყანაში სიტყვისა და გამოხატვის თავისუფლებისათვის საკვანძო მოვლენად“ იქცეს, ამიტომაც მათ შეხვედრის გადადება მოუხდათ. „ერთიანი ნაციონალური მოძრაობა“ ყრილობაზე გაჟღერებული ერთ-ერთი მთავარი დაპირების ასასრულებლად, პარტიის ღიაობისა და ჩართულობის პლატფორმის ირგვლივ საჯარო დისკუსიას მართავს. ამასთან დაკავშირებით დაიგეგმა შეხვედრა 10 თებერვალს, სადაც ვიმსჯელებდით მხარდამჭერთა იდეებზე, რჩევებზე, რეკომენდაციებსა და კრიტიკულ შენიშვნებზე.უპირველეს ყოვლისა, გვსურს, უღრმესი მადლობა გადავუხადოთ უამრავ ადამიანს, რომელიც გამოეხმაურა “ერთიანი ნაციონალური მოძრაობის” დაგეგმილ შეხვედრას პარტიის ღიაობისა და ჩართულობის პლატფორმაზე სამუშაოდ.გამომდინარე გარემოებიდან, რომ პარასკევს, 10 თებერვალს “რუსთავი 2”-ის საქმეზე ჩანიშნულია სასამართლო გადაწყვეტილების გამოცხადება, რაც ქვეყანაში სიტყვისა და გამოხატვის თავისუფლებისათვის შესაძლოა საკვანძო მოვლენად იქცეს, დაგეგმილი შეხვედრა გაიმართება ოთხშაბათს, 15 თებერვალს, 19:00 საათზე, სააკაშვილის საპრეზიდენტო ბიბლიოთეკაში.ამავე დროს, ჩვენ ვმუშაობთ, რომ მზარდი ინტერესის პარალელურად, რაზეც მეტყველებს შემოსული ელფოსტებისა და პარტიის ოფიციალურ facebook გვერდის შეტყობინების რაოდენობა, მოვახდინოთ შემოსული იდეებისა და ხედვების სტრუქტურირება და თანმიმდევრულ კონცეფციად ჩამოყალიბება.15 თებერვალს კი ერთად ვიმსჯელოთ იმაზე, თუ როგორ ვაქციოთ ენმ თანაპარტიელებთან, მხარდამჭერებთან და მოსახლეობასთან ერთად მჭიდრო თანამშრომლობის პარტიად“, – აღნიშნულია „ნაციონალური მოძრაობის“ განცხადებაში.
სიახლეები
საზოგადოება
ნარკოდანაშაულის ბრალდებით 119 პირია დაკავებული
პროკურატურამ დიდი და განსაკუთრებით დიდი ოდენობით ნარკოტიკული საშუალების და ფსიქოტროპული ნივთიერების უკანონო შეძენის, შენახვის,...
საზოგადოება
სასახლის ღობის საქმეზე დაკავებული კიდევ 14 პირი გათავისუფლდება
დღეს პატიმრობიდან კიდევ 14 პირი გათავისუფლდება. სასამართლო პროცესები დღეს 15:00 საათსა და 17:00 საათზე...
მსოფლიო
უკრაინის თავდაცვის ძალებმა ოკუპირებული მარიუპოლის სავაჭრო პორტის კრიტიკული ინფრასტრუქტურის ობიექტებს დაარტყეს
უკრაინის თავდაცვის ძალებმა ოკუპირებული მარიუპოლის სავაჭრო პორტის კრიტიკული ინფრასტრუქტურის ობიექტებს დაარტყეს. პორტი სრულად დარჩა...
საზოგადოება
ზუგდიდში, მეზობლის მკვლელობის შემდეგ პენსიონერმა სავარაუდოდ თავი მოიკლა
ზუგდიდში, მეზობლის მკვლელობაში ეჭვმიტანილი 70 წლის პენსიონერი, ბახუ შამუგია, საკუთარი საცხოვრებელი სახლის გვერდზე მდებარე...