„კოლეგებო, თქვენ ის დეპუტატები ხართ, რომლებიც საზოგადოებრივ მაუწყებელზე მიმდინარე მოვლენებზე ხმას არ იღებთ; ის დეპუტატები, რომლებიც ჩუმად ხართ მაშინ, როცა ხედავთ ივანიშვილი ამ ტელევიზიიდან 600 თანამშრომელს კინწის კვრით უპირებს გაყრას“ – ასე მიმართა ერთიანი ნაციონალური მოძრაობის დეპუტატმა ნიკა მელიამ საპარლამენტო უმრავლესობას.
„ბიძინა ივანიშვილს არც მაუწყებლის დახურვა ანაღვლებს, არც ამ ტელევიზიის თანამშრომლების ბედი. მისი ინტერესი ის 33 ათასი კვადრატული მეტრია, რომელზეც საზოგადოებრივი მაუწყებელია განთავსებული. არ მითხრათ რომ ამას არ აპირებს. მას ამის არაერთი გამოცდილება აქვს – მიიტაცა აბრეშუმის ქარხანა, ლაგუნა ვერეს ტერიტორია, ძველი უნივერმაღის ტერიტორია, ბოტანიკური ბაღის ნაწილი, იპოდრომის ტერიტორია.
რაც შეეხება „რუსთავი 2“-ს, ამ ტელევიზიის არსებობა პირველ რიგში თქვენ გჭირდებათ, რათა უფსკრულში არ გადაიჩეხოთ. როგორც კი ამ ტელევიზიას დახურავთ, ეს ცუდად დასრულდება თქვენთვის. მაგრამ მე თქვენზე კი არა, ქვეყანაზე ვზრუნავ.
ეს ერთადერთი ტელევიზიაა, სადაც შეიძლება ივანიშვილი გააკრიტიკო.“