”ოქროს სამყაროს” ტერიტორიაზე მოვაჭრეებს შენობაში ეტაპობრივად შესვლისა და საკუთარი ნივთების გამოტანის საშუალება მიეცათ.
ადმინისტრაციის წარმომადგენელმა ამირან მარიამიძემ უკვე შეიყვანა რამდენიმე დაზარალებული ტერიტორიაზე.
ადგილის დათვალიერების შემდეგ მოვაჭრეთა ერთი ნაწილი აცხადებს, რომ მათი კუთვნილი ძვირფასეულობა სრულად განადგურებულია.
,, სრულიად დამწვარია რამდენიმე დახლი, სადაც ჩვენი კუთვნილი ძვირფასეულობა იყო. იქიდან რაიმეს ამორჩევა შეუძლებელია, ჩაწოლილია იატაკი. რაც შეეხება ზარალს, რამდენიმე ათეულ ათას ლარზეა საუბარი – ამბობს ერთ-ერთი მოვაჭრე ლუიზა შოთაშვილი, რომელმაც დღეს დილით თავისი თვალით ნახა, რა ხდება ნახანძრალზე.