ერთ-ერთი მოშიმშილე დევნილის ჯანმრთელობის მდგომარეობა დღეს დილით გაუარესდა, 58 წლის დალი შონიას საერთო სისუსტე და დაბალი წნევა აღენიშნება, პირველადი დახმარება მას სასწრაფო სამედიცინო ბრიგადამ აღმოუჩინა, მოგვიანებით კი დევნილთა პოლიკლინიკის ექიმებმა მოინახულეს. ექიმ-თერაპევტ კვირკველიას თქმით :“მოშიმშილე ქალბატონის მდგომარეობა კრიტიკულია, მან აუცილებლად უნდა შეწყვიტოს შიმშილობა და სტაციონარში გადავიდეს.“ რაზეც ქალბატონი კატეგორიულ უარს ამბობს.“ აქ უნდა მოვკვდე, არსად არ წავალ“- აცხადებს შონია. ასევე რთულია ნანა შონიას მდგომარეობაც, რომელსაც მაღალი ტემპერატურა აღენიშნება. დევნილები მე-9 დღეა შიმშილობენ. მათი მოთხოვნები უცვლელია, ისინი სოციალური ქულების გადამოწმებას და დევნილთა და განსახლების მინისტრის გადადგომას ითხოვენ.