ჯვარში 62 წლის მარტოხელა მოხუცი შესაძლოა გაიყინოს, ეროვნებით უკრაინელი ვალერა გავიანეცს გუშინ ელ.ენერგია გამოურთეს.მოხუცი თავს სხვადასხვა სამუშაოთი ირჩენს,თუმცა ამბობს, რომ ზოგჯერ შესრულებული სამუშაოს საფასურსაც არ უხდიან. გავიანეცი მთელ დღეებს ქუჩაში ატარებს, ფართი, სადაც ის ცხოვრობს, ფაქტიურად საცხოვრებლად უვარგისია.ენერგო-პრო ჯორჯიას წარმომადგენელი ჯვარში ბესიკ ხუბუტია ამბობს, რომ აბონენტის ელ.ენერგია 75 ლარის დავალიანების გამო გაუთიშეს.მეზობლების ინფორმაციით, მათთვის გაუგებარია როგორ დაწერა გავიანეცმა 75 ლარი დენის საფასური, მაშინ, როცა მთელი დღე გარეთ უწევს მუშაობა, სახლში მხოლოდ ღამე მოდის და არ გააჩნია ელექტროგამათბობელი.ვალერა გავიანეცს ერთი თვის წინ სოციალური დახმარებაც მოუხსნეს, მისი თქმით, დახმარების მოხსნის მიზეზი უცნობია.
ინფორმაცია ოდიშინიუსს ქ.ჯვარის ახალგაზრდული ტელევიზიიდან დიმა კვარაცხელიამ მიაწოდა