ევროპარლამენტში საქართველოს ვიზალიბერალიზაციის შესახებ საკითხის განხილვა დაიწყო – მხარდაჭერის შემთხვევაში უვიზო მიმოსვლის პროცესი შეჩერების მექანიზმთან დაკავშირებულ რეგულაციებთან ერთად ამოქმედდება.
სხდომაზე უკვე გამოვიდა სიტყვით მომხსენებელი მარია გაბრიელა. მან განაცხადა, რომ საქართველომ შეასრულა ყველა ვალდებულება და ყურადღება გაამახვილა საქართველოში გატარებულ რეფორმებზე.
"ეს პროცესი ჩვენთვის არ გახლავთ ადვილი თუმცა საქართველოს და ევროკავშირის მოქალაქეები ისწრაფიან იმისთვის, რომ ამოქმედდეს უვიზო რეჟიმი. სწორედ ამიტომ ევროკავშირის საბჭო მიიღებს გადაწყვეტილებებს საკანონმდებლო ცვლილების შესახებ და ეს რეგულაცია გამოქვეყნდება ოფიციალურ ჟურნალში. უვიზო მიმოსვლის რეჟიმი ამოქმედდება შეჩერების მექანიზმთან დაკავშირებულ განახლებულ რეგულაციასთან ერთად მას შემდეგ რაც მოლაპარაკებები ჩატარდება. . ჩვენ თანმიმდევრულები ვართ ჩვენს ქმედებებში და მხოლოდ ერთ საკითხს ვაქცევთ ყურადღებას. თუკი დაკმაყოფილებული იქნება ეს მოთხოვნები, მაშინ ვიზალიბერალიზაციის მიღწევაც შესაძლებელია.
ძალიან დიდი მადლობა მინდა გადავუხადო საქართველოს მთავრობას დემოკრატიული მიდგომებისთვის. საქართველო აკმაყოფილებს იმ მოთხოვნებს იმ რომლებიც გახლდათ აუცილებელი-განაცხადა მარია გაბრიელიმ .
მისი თქმით, ვიზალიბერალიზაციის რეჟიმის შემოტანით საქართველო დაუახლოვდება ევროპას და ევროპულ ღირებულებებს, რაც ხელს შეუწყობს კულტურული, ეკონომიკური და პოლიტიკური კავშირების გაძლიერებას.