„ენერგო-პრო ჯორჯიას“  კომპანიის საზოგადოებასთან ურთიერთობის სამსახურის ინფორმაციით, 2 თებერვალს ელექტროენერგია დროის სხვადასხვა მონაკვეთში გაეთიშება ზუგდიდის, ჩხოროწყუს და სენაკის ნაწილს.

 

კერძოდ, კომპანიის ტექნიკური სამსახურის მიერ ხვალ 11:00 საათიდან 14:00 საათამდე გეგმიური სამუშაოების მიზნით, გამოირთვება ქვესადგური „ზედაეწერის“ 10 კვ-ის შემყვანი რის გამოც ელექტროენერგიის მიწოდება შეუწყდება ზუგდიდის მომსახურების ცენტრის 749 აბონენტს (სოფელი ზედა ეწერი, კორცხელი და მიმდებარე სოფლები).

 

ასევე 2 თებერვალს გამოირთვება ქვესადგური „ლესიჭინეს“ 10 კვ ფიდერები, რის გამოც საერთო ჯამში ელექტროენერგიის მიწოდება დროებით შეუწყდება ჩხოროწყუს მომსახურების ცენტრის 481 აბონენტს (სოფელი ლესიჭინე და მიმდებარე სოფლები).

 

უფრო დეტალური განრიგი კი ასეთია: 12:30 საათიდან 14:00 საათამდე ფიდერი „კოლხეთი 1“. შედეგად გაითიშება152 აბონენტი;

 

14:00 საათიდან 15:30 საათამდე ფიდერი „რუსთაველის ჩაის მეურნეობა“. შედეგად დენი გაეთიშება 240 აბონენტს;

 

15:30 საათიდან 17:00 საათამდე ფიდერი „კოლხეთი 2“. შედეგად გაითიშება 89 აბონენტი

 

2 თებერვალსვე გამოირთვება ქვესადგური „ლესიჭინეს“ 10 კვ ფიდერი „ზანა“. შედეგად 11:00 საათიდან 12:30 საათამდე ელექტროენერგიის მიწოდება შეუწყდება სენაკის მომსახურების ცენტრის 415 აბონენტს (სოფელი ზანა).