თოვლის სახით მოსულმა უხვმა ნალექმა ზუგდიდში წუხელ პრობლემები შექმნა (Video)

თოვლის სახით მოსულმა უხვმა ნალექმა ზუგდიდში წუხელ პრობლემები შექმნა, გართულდა სატრანსპორტო მიმოსვლა, მუნიციპალიტეტის სოფლები და ქალაქის დასახლებების ნაწილი ელექტროენერგიისა და ბუნებრივი აირის გარეშე დარჩა. პრობლემებზე საუბრობენ გამოკითხული რესპოდენტები, რომლებიც ადგილობრივ ხელისუფლებას ეფექტური მუშაობისკენ მოუწოდებენ.რესპოდენტების უკმაყოფილების მიზეზს ვერ ხედავენ ქალაქის მერიაში, უწყებაში განმარტავენ, რომ “ზოგადად შეფერხებები არ დაფიქსირებულა, არც ცხელ ხაზზე შემოსულა ინფორმაცია, ტექნიკური მარილი იყრებოდა წუხელ მთელი ღამის განმავლობაში და გზები ინტენსიურად იწმინდებოდა“. თოვლმა დააზიანა მწვანე ნარგავები, პრობლემებია შიდა გზებზეც, რაც შეეხება მუნიციპალიტეტს, ყველაზე დიდი პრობლემა მაღალმთიან სოფლებში დაფიქსირდა. ამ დროისთვის „ენერგო-პრო ჯორჯიას“ ინფორმაციით, ყველა უბანზე აღგდენილია ელ.ენერგიის მიწოდება. ლიპყინულისა და თოვლის გამო ჯერჯერობით ავტომანქანებისა და ქვეითად მოსიარულეთათვის თავისუფლად გადაადგილება შეზღუდულია. ზუგდიდში დღეს თოვა არ გაგრძელებულა, გარემოს ეროვნული სააგენტოს ინფორმაციით, 31 იანვარს ღამით ყინვა გაძლიერდება, ხოლო 3 თებერვლამდე მოსალოდნელია ნალექი თოვლის სახით.

თოვლის სახით მოსულმა უხვმა ნალექმა ზუგდიდში წუხელ პრობლემები შექმნა (Video)

სიახლეები

დიდი ბრიტანეთი რუსეთის წინააღმდეგ დამატებით სანქციებს დღეს გამოაცხადებს

მარში “მადლობა მეგობარს” 11 მაისს აშშ-ის საელჩოსთან დასრულდა

“ვლადიმირ პუტინი არ ისწრაფვის ცეცხლის შეწყვეტის შეთანხმებისკენ უკრაინასთან” – ტრამპი

“ხუთშაბათს თურქეთში პირადად დაველოდები პუტინს, ხვალიდან კი ცეცხლის შეწყვეტას ველოდებით…” – ზელენსკი