„ქართველებთან და საქართველოში’’- ზუტნერების ოჯახზე ზუგდიდში ფილმის ჩვენება გაიმართა

 		ზუგდიდში დოკუმენტური ფილმის „ქართველებთან და საქართველოში’’ პრეზენტაცია გაიმართა . ფილმი მოგვითხრობს მშვიდობის დარგში პირველი ნობელიანტი ქალის ბერტა ფონ ზუტნერის ზუგდიდში ხუთწლიანი ცხოვრებისა და მოღვაწეობის პერიოდს.ფილმი გადაღებულია როგორც ქალაქში, ისე მუზეუმში, ბოტანიკურ ბაღში, რაფიელ ერისთავის სახლ-მუზეუმში, მარტვილში. „ყველა ავსტრიელმა იცის, რომ მათი სიამაყე ბერტა ფონ ზუტნერია, მაგრამ ყველა ავსტრიელმა არ იცის, ზუტნერები საქართველოში, კერძოდ, ზუგდიდში ჩამოყალიბდნენ მწერლებად. სწორედ ზუგდიდში გატარებულ წლებს ასახელებს თავისი მსოფლმხედველობის ჩამოყალიბების მიზეზად და ხმამაღლა აცხადებს, რომ არა ზუგდიდში გატარებული წლები, ის ვერასოდეს გახდებოდა ისეთი ბერტა ფონ ზუტნერი, როგორსაც მას მთელი მსოფლიო იცნობდა.“- აღნიშნა ძეგლთა დაცვისა და ტურიზმის განყოფილების უფროსმა ბესიკ არახამიამ.ფილმში ბერტა ფუნ ზუტნერის შემსრულებელი არის მანანა აკობია. მისი თქმით, ფილმის ნახვამ მოლოდინს გადააჭარბა. „ ჩემთვის დიდი პატივი იყო მონაწილეობა მიმეღო ამ ფილმში და განმესახირებინა ეს ქალბატონი“.

„ქართველებთან და საქართველოში’’- ზუტნერების ოჯახზე ზუგდიდში ფილმის ჩვენება გაიმართა

სიახლეები

პაკისტანმა ინდოეთის წინააღმდეგ მასშტაბური სამხედრო ოპერაციის დაწყების შესახებ გამოაცხადა

მერცი, მაკრონი, სტარმერი და ტუსკი კიევში ჩავიდნენ

თემურ ქათამაძეს სასამართლო პროცესის დასრულებამდე საქართველოდან არ გააძევებენ

ანდრო ჭიჭინაძე ევროპის კინოაკადემიის წევრი გახდა