პარლამენტის წევრი ”ერთიანი ნაციონალური მოძრაობიდან” სალომე სამადაშვილი ევროპის სახალხო პარტიის (EPP) პრეზიდენტს ჟოზეფ დოულის შეხვდა.
შეხვედრის ფარგლებში მხარეებმა ისაუბრეს საქართველოსთვის უვიზო რეჟიმის ამოქმედების საკითხზე, რომელსაც ევროპარლამენტში მომავალ კვირას ეყრება კენჭი.
ქართველმა დეპუტატმა მადლობა გადაუხადა ჟოზეფ დოულის მხარდაჭერისთვის, რომელსაც სახალხო პარტია საქართველოს ევროპული ინტეგრაციისა და უვიზო მიმოსვლის ამოქმედების მიმართ იჩენს.
შეხვედრაზე ”ერთიანი ნაციონალური მოძრაობის” მე-7 ყრილობასა და სამოქმედო გეგმებზე ისაუბრეს.
შეხვედრის შემდეგ სალომე სამადაშვილმა მედიასთან საუბარში გამოთქვა იმედი , რომ EPP-ის დეპუტაცია მხარს დაუჭერს უვიზო მიმოსვლის ამოქმედებას და ამასთან იქნება ენმ-ის ძლიერი პარტნიორი პარტიაში მიმდინარე რეფორმებისა და განახლების პროცესში.