საქართველოს პრემიერმინისტრ გიორგი კვირიკაშვილის განკარგულებით, საქართველოს პარლამენტის წევრ დავით ბაქრაძეს პერსონალური დაცვა დაენიშნა. ინფორმაციას "კახეთის საინფორმაციო ცენტრი" ავრცელებს.
გამოცემის ინფორმაციით, დავით ბაქრაძის უსაფრთხოებას 2017 წლის 1 დეკემბრამდე სახელმწიფო დაცვის სპეციალური სამსახური დაიცავს.
აღნიშნული განკარგულება, რომელსაც ხელს პრემიერ-მინისტრი გიორგი კვირიკაშვილი აწერს, მთავრობამ 2016 წლის 30 დეკემბერს გამოსცა.
ოფიციალური ინფორმაციით, პარლამენტის წევრისთვის პერსონალური დაცვის დანიშვნას საფუძვლად დაედო არსებული მონაცემები, რომლის თანახმადაც მის სიცოცხლესა და ჯანმრთელობას საფრთხე ემუქრება.
ვინ და რა ემუქრება დავით ბაქრაძეს, ბუნებრივია, არ კონკრეტდება.
რას ლამბავს თეთრი ძაფით მთავრობა და ,,ევროპული საქართველო?'' – დაისმის კითხვა სოციალურ ქსელში