პარტია „ნაციონალური მოძრაობის“ პოლიტსაბჭოს ორი თანათავმჯდომარე ეყოლება- – ნიკა მელია და ზაზა ბიბილაშვილი. ხვალ დაგეგმილ ყრილობაზე პარტიის პოლიტსაბჭო დაკომპლექტდება, რომლის თანათავმჯდომარეებს ყრილობა აირჩევს. ”ნაციონალური მოძრაობის” მეშვიდე ყრილობა ხვალ, 14:00 საათზე სპორტის სასახლეში გაიმართება. ყრილობის ძირითადი ნაწილი დაეთმობა პოლიტიკური ლიდერების გამოსვლას. ასევე მოხდება საორგანიზაციო კომისიის შეფასება, რომელსაც ცნობად მიიღებს ყრილობა. ყრილობაზე აირჩევენ პოლიტსაბჭოს ახალ შემადგენლობას და ასევე სხვა მმართველობით თანამდებობების პირებს.