„ბევრად მეტად ვფიქრობ იმაზე კი არა, ვინც წავიდა, არამედ ბევრად მეტად ვფიქრობ იმაზე, ვინც მოვა, დიდი ამბებია წინ, „ნაციონალური მოძრაობა ივლის წინ გამარჯვებისკენ სწრაფი ტემპით, გამარჯვების გზა  ივანიშვილის დამარცხებაზე გადის“- ეს განცხადება მიხეილ სააკაშვილმა გადაცემა ,,არჩევანში'' გააკეთა.

 მიხეილ სააკაშვილის თქმით, ნაციონალური მოძრაობის მოკავშირე ქართველების ახალი თაობა იქნება :

,,ტაქტიკაში ვცდებოდი ხშირად, არ მჯერა ცბიერების და არ ვცდილობ მოვატყუო, მაგრამ დიდ ხედვაში მაქცს პრეტენზია, რომ სტრატეგიას სწორად ვხედავ. დიდ სტრატეგიაში ჩვენ გვჭირდება დიდი მოკავშირე – ქართველების ახალი თაობა. მათ უნდა დაინახონ, რომ ჩვენი გამოყენებაც შეიძლება ამ დიდი მიზნისკენ სვლისას. მე კი ფეხქვეშ გავეგები მათ, რომ გადაიარონ, ჩვენზე გადაიარონ და გავიდნენ გაღმა ნაპირზე. ესაა ჩემი იდეა. მათ ისარგებლონ, ჩვენ ვიყოთ ხიდი."

მიხეილ სააკაშვილმა  ინტერვიუ დაასრულა სიტყვებით, რომ  არ ახასიათებს დიდხანს ვინმეზე გაღიზიანება. ეს ლოგიკურად უკავშირდება მის სიტყვებს ამავე ინტერვიუში –  ,,როგორი ან ვისი მოსყიდულებიც არ უნდა იყვნენ, მაგათზე უკეთესები მაინც არიან''