დღეს დილიდან სოფელ ქვემო ნატანებში, ხეგლეჯია (როკსოფუ) ივანიშვილის ახირებით, ყოფილი ჩაის ფაბრიკის ტერიტორიიდან 10-მდე ასწლოვანი ხის, მათ შორის ცაცხვების გადატანის პროცესი დაიწყო – მიმდინარეობს გადატანის სამუშაოების სამზადისი.
აღნიშნული ხეებიც, შეკვეთილში, ყოფილი პრემიერმინისტრის ბიძინა ივანიშვილის კუთვნილ, დენდროლოგიურ პარკში გადააქვთ.
ადგილზე მობილიზებულია ტექნიკა, ამწეკრანები, თვითმცლელი მანქანები და მიმდინარეობს მასიური თხრა.
გავრცელებული ინფორმაციით, ტერიტორია სახელმწიფო საკუთრებაა. ამ ვარაუდს აძლიერებს ის, რომ არ საჯაროვდება დოკუმენტი, თუ რის საფუძველზე მიმდინარეობს ხეების გადატანის პროცესი.
რაც შეეხება მაგნოლიას, 220 ტონისა და 37 მეტრის სიგრძის გიგანტური ხეს, იგი უკვე ჩატანილია სანაპიროზე და გუშინდელი საღამოდან გამოდარებას ელოდება, რომ ივანიშვილის პარკში დაიდოს ბინა.
როკსოფუ ამირანი – გასაგებია, ხეგლეჯია ივანიშვილს რა მოტივი აქვს?